पाँचथरमा चुम्लुङको राष्ट्रिय महाधिवेशन

दैनिक समाचार

गृहपृष्ठ
दैनिक समाचार

पाँचथरमा चुम्लुङको राष्ट्रिय महाधिवेशन

फक्ताङलुङ म्यागजिन संवाददाता शनिबार, फागुन २८, २०७८

किरात याक्थुङ चुम्लुङको ११ औँ राष्ट्रिय महाधिवेशन पाँचथर सदरमुकाम फिदिममा सुरु भएको छ । तीन दिनसम्म चल्ने महाधिवेशनको १ नम्बर प्रदेशका आर्थिक मामिला तथा योजना मन्त्री इन्द्र बहादुर आङ्बोले उद्घाटन गरे ।
च्याब्रुङ, लिम्बु जातीको सस्कृति तथा पोशाक सहित ¥यालीले फिदिम बजार परिक्रमा पछि जिल्ला समन्वय समितिको खुल्ला मञ्चमा उद्घाट समारोह भएको थियो । नयाँ नेतृत्व चयन गर्दै महाधिवेशन सोमबार सकिदै छ ।
लिम्बुहरु साझा संस्था चुम्लुङको अधिवेशनमा नीति, कार्यक्रम तथा आगामि योजनाका बारे छलफल हुने बताईएको छ । अधिवेशन उद्घाटन समारोहमा बोल्दै मन्त्री आङ्बोले प्रदेशको नाम खोलानालाको नभई पहिचानमा आधारीत हुने बताए । प्रदेश सरकारकाले नामाकरण लागि पहल थालेको उनको भनाई थियो । विभिन्न भाषा, सस्कृतिको प्रवद्र्धनमा प्रदेश सरकारले काम गरीरहेको बताएका थिए ।
परम्परामा आधारीत भेषभुषा सजिएर आएकाहरु उलेख्य संख्यामा थिए । महाधिवेशन चुम्लुङ विभिन्न जिल्ला शाखा तथा विदेशबाट समेत प्रतिनिधि सहभागि छन् । सोहि अवसरमा कियाचु युवराज पत्रकारिता पुरस्कार सेसेमी से–नाल्बोलाई प्रदान गरीएको छ । उद्घाटन समारोहमा विभिन्न कोषमा सहयोग गर्ने दातालाई सम्मान गरीएको थियो । पाँच वटा पुस्तक विमोचन समेत गरीएको थियो ।

प्रकाशित मिति: शनिबार, फागुन २८, २०७८ २०:५७

प्रतिक्रिया दिनुहोस्